Sommarferien er over for min del, og eg er i ferd med å tilpasse meg kvardagsrytma igjen. Sjølv om det har vore ein innhaldsrik ferie, er det framleis mange ting eg kunne tenkt meg å sette av meir tid til. Dette er vel eit kjent fenomen for oss alle. Det kan derfor kanskje være greit å minne om at også kvardagane inneheld litt fritid som ein kan bruke til det ein vil.

Om nokon lurer på kva eg held på med no, så står eg i verdens lengste kø. Nemleg køa til iPhone 4.

Då Chess lanserte iPhone 4 for salg i nettbutikken sin klokka 10:00 i dag, hadde eg allereie stått i kø i ti minutt. Omtrent eit par sekund etter lanseringa, kollapsa nettbutikken, og det tok omlag 55 minutt før eg var klar til å bestille. Men historia stoppar ikkje der.

Det har seg nemleg slik at eg tidlegare bestemte meg for å kjøpe iPhone 3GS, for så å angre på heile greia, og sende mobiltelefonen i retur. Å sende den i retur var ikkje eit problem, men å få Chess til å fjerne nedbetalingavtalen var litt meir problematisk. Etter ein samtale med Chess sin kundeservice i går, skulle dei ordne dette, men det gjorde dei altså ikkje.

Resultatet av denne glippen var ei feilmelding på skjermen då eg skulle bestille telefonen. Eg måtte då ringe kundeservice igjen. Der hamna eg som nummer 39 i køa. Medan eg venta, vart alle telefonane utselt. Så no vert eg ståande i denne køa i minst 14 dagar til. Takk til Chess for den.

Om eg har ein dårleg dag, får ein bit sjokolade meg til å smile. For ikkje å snakke om ei heil sjokoladeplate. Her er ei lita liste over dei sjokoladane eg meiner er undervurderte, og som du bør prøve om det er lenge sidan sist, og for ikkje å snakke om du aldri har smakt dei! Tru meg – du kjem til å smile! =)

Krembanan vart lansert i 1957. Sjokoladen er oppbygd av eit lag med géle og eit lag med banankrem, og den er omslutta med sjokolade. Veldig søt og ganske mektig, men er liten nok til at du kan ha godt samvit etterpå.

Krokantrøffel vart lansert så tidleg som i 1937. Sjokoladen har ei luftig trøffelkjerne som inneheld krokanbitar. Gildet er dekt av eit tynt lag mørk sjokolade.

Mokkatrøffel kom året før, altså i 1936. Sjokoladen består av ei kjerne av kremaktig trøffel med fyldig mokkasmak, og er (som krokantrøffelen) dekt av eit tynt lag mørk sjokolade.

Mandelstang er også ein av mine favorittar. Kjerna er ein kvit fondant ved vanilje. Kjerna er overtrekt av sjokolade, som er dyppa i små bitar med mandlar. Det er ikkje rart at oppskrifta på sjokoladen er så godt som uendra sidan denne sjokoladen såg dagens lys.

Sist, men ikkje minst, har vi Lohengrin. Dette er ein mørk sjokolade som er fylt med romkrem. Det du truleg ikkje visste om denne sjokoladen, er at den blei fyrst lagt fram for sal i Nationalthearet i 1911 under ei framsyning av Wagner-operaen Lohengrin. Dette året hadde nemleg Freia ein avtale om einesal av sjokolade i theateret. Heldigvis var sjokoladen så god at den vart lagt ut til sal i butikkane eit par år etter. Faktisk er det arkitekten Henrik Bull, mannen som teikna Nationaltheateret, som formgav sjokoladen som har to roser som er stiliserte i jugend- og norsk dragestil. Så då veit de det! =)

Nokon andre som hugsar denne sjokoladen? 5minutt frå Nidar Bergene kunne minne om KvikkLunch, men var mykje betre. Den var faktisk så god at det hendte eg stakk av til butikken og kjøpte den om eg hadde ein tikronar i lomma. Eg var vel omtrent fem år på den tida. Ein dag tok mamma og pappa meg på fersken då eg sat og åt sjokoladen utanfor butikken. Dette var ein kvardag då ordninga med laurdagsgodt var på det strengaste og butikken framleis høyrde til ViVo-kjeda. Kan hugse eg var redd for at det vart mindre laurdagsgodt den veka, men heldigvis er foreldra mine av den godsinna sorten. Og fleire sjokoladeturar i all hemmelegheit vart det før sjokoladen var fjerna frå butikkhyllene..

I går vart gravmonumentet til Birgitte si grav montert. Eg synest det er eit fint monument som i stor grad formidlar kven Birgitte var. Krossen uttrykkjer trua på Gud. Hjartet uttrykkjer kjærleiken. Steinen er spesiell, men går likevel fint inn i omgivnadane.

Tradisjonelt sett er krossen eit sterkt uttrykk for håpet. Birgitte tok sitt eige liv. Håpet var til tider skjult for henne. Derfor er teksta “Størst av alt er kjærleiken” ei djup og trøystande setning som gir håp for oss som står att.

Er det berre meg, eller er eg i ferd med å avle fram ein svært spesiell Orchidé her heime? Har aldri sett at dei store blada kjem ut ifrå stilken heilt der oppe før.

Om du skulle være ein av dei som ser antydning til at planta har visna litt i toppen, så stemmer det at eg ikkje er spesielt flink med planter. Likevel har framleis klokketru på at eg skulla grusa dei fleste mannlege jamaldringane mine når det gjeld å halde planter i live i lengre tid. På stova og kjøkkenet mitt har eg ikkje mindre enn 23 planter, så det er mykje som minner om ein botanisk hage her no. Eller ikkje.

Men tilbake til saka: Er denne planta normal?

Det burde være reguleringar på kor mykje uflaks ein kan ha på ein og samme dag. Dagens liste over kjipe ting begynner å bli lang. Det siste som skjedde var at eg brente denne pizzaen eg hadde gleda meg stort til. Håpar trenden snur, for no er det spelekveld!

I dag har John Henrik bursdag. Han er ein fantastisk storebror som eg er veldig stolt av og glad i! Håpar du får ein fin dag! =)

I morgon får Nelly ein ny eigar. Det er med glede eg meddeler at det er ein bilentusiast som skal kjøpe bilen, så ho får truleg mykje stell og litt ansiktspleie. Ho slepp med andre ord å stå parkert på parkeringsplassen å være sjalu fordi eg stadig vekk stikk på luftetur med varebilen i staden for.